సింహ రాశిఫలములు వికారి నామ సంవత్సర రాశిఫలములు

మఖ 4 పాదాలు (మ, మి, ము, మే),
పుబ్బ 4 పాదాలు (మో, ట, టి, టు)
ఉత్తర 1వ పాదం (టె)

ఈ వికారి నామ సంవత్సరంలో సింహ రాశి వారికి గురువు, ఏప్రిల్ 23 నుంచి నవంబర్ 5 వరకు 4వ ఇంట, వృశ్చిక రాశిలో ఆతర్వాత నవంబర్ 5 నుంచి ధనూరాశిలో, 5వ ఇంట సంచరిస్తాడు. శని జనవరి 24వ తేదీ వరకు 5వ ఇంట, ధనూరాశిలో ఆ తర్వాత 6వ ఇంట, మకర రాశిలో సంచరిస్తాడు. రాహువు సంవత్సరం అంతా మిథున రాశి లో 11వ ఇంట కేతువు 5వ ఇంటిలో ధనురాశిలో సంచరిస్తారు.

వృత్తి

ఈ సంవత్సరం సింహ రాశి వారికి మిశ్రమ ఫలితాలు ఉంటాయి. ప్రథమార్థం సామాన్యంగా ఉన్నప్పటికీ ద్వితీయార్ధం అనుకూల ఫలితాలను ఇస్తుంది. ఉద్యోగస్తులకు ఈ సంవత్సరం నవంబర్ వరకు సమయం కొంత సామాన్యంగా ఉంటుంది. పని ఒత్తిడి ఎక్కువగా ఉండటం, దూర ప్రదేశాల్లో పని చేయాల్సి రావటం వలన కొంత అసౌకర్యానికి గురయ్యే అవకాశం ఉన్నది. అంతేకాకుండా ఎంత పని చేసిన రావలసిన గుర్తింపు రాకపోవడం వలన నిరుత్సాహానికి లోనయ్యే అవకాశం ఉన్నది. అయితే రాహు గోచారం అనుకూలంగా ఉండటం వలన పనులు అయినా కూడా సమయానికి పూర్తవడం అలాగే మిత్రుల నుంచి సహోద్యోగుల నుంచి సహాయ సహకారాలు అందటం వలన పని ఒత్తిడి కారణంగా కలిగే నిరాశ నిస్పృహ నుంచి బయటపడగలుగుతారు. శని మరియు కేతు గోచారం పంచమ స్థానంలో ఉండటం వలన మీ ఆలోచనలు మరియు. ప్రణాళికలు లు సరైన విధంగా ఉండక పనులను మరింత ఆలస్యం చేసే అవకాశం ఉన్నది. కాబట్టి ఇ ఆలోచనల కంటే ఎక్కువ అ పనికి ప్రాధాన్యమిస్తూ ముందుకు వెళ్లడం వలన అది మీ భవిష్యత్తుకు సహాయకారిగా ఉంటుంది. నవంబర్ నుంచి గురు గోచారం అనుకూలంగా ఉండటం వలన మీరు చేపట్టిన పనులు విజయవంతంగా పూర్తి చేయగలుగుతారు. అలాగే మీ ఆలోచనలు ప్రణాళికలు అనుకున్న ఫలితాన్ని ఇస్తాయి. మీ ఉద్యోగంలో ప్రగతి సాధిస్తారు. నవంబర్ వరకు పడిన కష్టానికి ప్రతిఫలం నవంబర్ తర్వాత లభిస్తుంది. పదోన్నతి కానీ అనుకున్న ప్రదేశానికి మార్పు కాని జరిగి మీకు ఆనందాన్నిస్తుంది. జనవరిలో శని గోచారం కూడా అనుకూలంగా ఉండటం వలన అది ఉద్యోగంలో మరింత సానుకూల ఫలితాలను ఇవ్వటమే కాకుండా మీ పై అధికారుల ప్రశంసలను గుర్తింపునిస్తుంది. విదేశయాన ప్రయత్నాలు చేస్తున్నారు ఈ సంవత్సరం నవంబర్ తర్వాత అనుకూలమైన ఫలితాలను పొందుతారు. గురు దృష్టి భాగ్య స్థానం ఉండటం వలన గతంలో ఉన్న అడ్డంకులు తొలగిపోయి విదేశీ యానం విషయంలో కానీ లేదా అక్కడ స్థిరపడే విషయంలో కానీ అనుకూల ఫలితాలు లభిస్తాయి. వ్యాపారస్తులకు ఈ సంవత్సరం ప్రథమార్థం సామాన్యంగా ఉంటుంది. ఎంత కష్టపడినా సరైన లాభాలు రాక, వచ్చిన లాభాలు పెట్టుబడులకు సరిపోక కొంత సిబ్బందికి లోనుకావలసి వస్తుంది. అలాగే మీ భాగస్వాములతో సరైన సంబంధాలు లేని కారణంగా కొంత ఇబ్బందికి నష్టాలకు లోను కావలసి వస్తుంది. అయితే నవంబర్ నుంచి గురు అనుకూలంగా మారడం అలాగే జనవరిలో శని అనుకూలంగా మారడం వలన మీ సమస్యలు తొలగి పోయి వ్యాపారం అభివృద్ధి పథంలో నడుస్తోంది. పెట్టుబడులు పెట్టడానికి అలాగే వ్యాపారాన్ని మరింత ముందుకు తీసుకెళ్లడానికి నవంబర్ తర్వాత నుంచి అనుకూల సమయం. కళాకారులు అలాగే స్వయం ఉపాధి ద్వారా జీవితాన్ని ముందుకు నడిపిస్తున్న వారికి ఈ సంవత్సరం ప్రథమార్థం కొంత వ్యతిరేకంగా ఉన్నప్పటికీ ద్వితీయార్థం అనుకూలంగా ఉండటం వలన నవంబర్ వరకు పడిన కష్టాలను నవంబర్ తర్వాత అవుతారు. వారి ప్రతిభకు గుర్తింపు రావడమే కాకుండా అవకాశాలు కూడా పెరగడంతో వారి ఆర్థిక స్థితి మెరుగు అవ్వడం అలాగే పేరు ప్రతిష్టలు పెరగడం జరుగుతుంది. జనవరి నుంచి ఉండటం అలాగే రాహు గోచారం పదకొండవ ఇంట సంవత్సరం అంతా ఉండటం వలన అనుకోని అవకాశాలు వచ్చి మీరు మరింత గుర్తింపు పేరు ప్రఖ్యాతులను పొందుతారు.

కుటుంబ జీవితం

కుటుంబ జీవితం మిశ్రమ ఫలితాలను ఇస్తుంది. నవంబర్ వరకు గురువు గోచారం అనుకూలంగా లేకపోవడం వలన ఇంటికి దూరంగా ఉండాల్సి రావడం అలాగే బంధువులతో ఆత్మీయులతో విరోధాలు పెరగడం వలన మానసిక ప్రశాంతతను ఆనందాన్ని కోల్పోయే అవకాశం ఉంటుంది. అయితే రాహు గోచారం పదకొండవ ఇంట అనుకూలంగా ఉండటం వలన కొత్త మిత్రులు పరిస్థితుల కారణంగా సమస్యల నుంచి బయట పడగలుగుతారు. పంచమ స్థానంలో శని కేతు సంచారం మీ సంతానం విషయంలో కొంత ఇబ్బందులను ఎదుర్కోవలసి వస్తుంది. వారికి ఆరోగ్య సమస్యలు రావడం కానీ లేదా వారి కారణంగా ఇబ్బందులు పడాల్సి రావడం గానీ జరగవచ్చు. అయితే నవంబర్లో గురువు పంచమ స్థానానికి మారటం వలన గతంలో ఉన్న సమస్యలు తొలగిపోయి ప్రశాంతమైన జీవితాన్ని పొందుతారు. మీ బంధువులతో ఆత్మీయులతో ఉన్న వివాదాలు సమసిపోతాయి అలాగే పిల్లల ఆరోగ్యం మెరుగు పడుతుంది. నవంబర్ తర్వాత సంతానం గురించి గానీ లేదా వివాహం గురించి కానీ ఎదురుచూస్తున్న వారికి అనుకూల ఫలితాలు లభిస్తాయి. మీ సంతానం అభివృద్ధి లోకి వస్తుంది. వారి కారణంగా పడిన బాధలు తొలగిపోయి ఆనందాన్ని అనుభవిస్తారు. అలాగే అర్ధాష్టమ గురు గోచార సమయంలో మీ కుటుంబ సభ్యులు ఒకరి అనారోగ్యం మిమ్మల్ని కలవరపెడుతుంది.

ఆర్థికస్థితి

ఆర్థికంగా ఈ సంవత్సరం సామాన్యంగా ఉన్నప్పటికీ ద్వితీయార్ధం అనుకూలంగా ఉండటం వలన మిశ్రమ ఫలితాలను పొందగలుగుతారు. నవంబర్ వరకు గురు గోచారం అనుకూలంగా లేకపోవడం అలాగే శని గోచారం పంచమ స్థానంలో ఉండటం వలన ఖర్చులు అధికంగా పెరగటం అలాగే పెట్టుబడి నుంచి అనుకూలమైన ఆదాయం లేకపోవడం వలన కొంత ఇబ్బందికి గురి అయ్యే అవకాశం ఉంటుంది. అయితే రాహు పదకొండవ ఇంట ఉండటం వలన ఉండటం వలన అనుకోని విధంగా సమయానికి డబ్బు సమకూరుతుంది. దానివలన తాత్కాలికంగా అయినప్పటికీ ఆర్థిక సమస్యల నుంచి బయట పడగలుగుతారు. నవంబర్ నుంచి గురు గోచారం అలాగే జనవరి నుంచి శని అనుకూలంగా ఉండటం వలన ఆర్థికంగా అనుకూల పరిస్థితులు ప్రారంభం అవుతాయి. ఆదాయం పెరగటం అలాగే పెట్టుబడి నుంచి లాభాలు రావడం వలన కొంత డబ్బు కూడబెట్ట గలుగుతారు. ఇల్లు కాని వాహనం కానీ లేదా స్థిరాస్తులు కొనుగోలు చేద్దామనుకునే వారు జనవరి వరకు ఆగటం మంచిది. జనవరి తర్వాత గురు శని రాహు మూడు గ్రహాలు అనుకూలంగా ఉంటాయి కాబట్టి మీకు ఈ విషయాల్లో అనుకున్న ఫలితం లభిస్తుంది.

ఆరోగ్యం

ఆరోగ్య విషయంలో ఈ సంవత్సరం నవంబర్ వరకు కొంత సామాన్యంగా ఉన్నప్పటికీ నవంబర్ నుంచి గురు గోచారం అనుకూలంగా ఉండటం వలన ఆరోగ్య సమస్యలు ఆ తర్వాత పెద్దగా బాధించవు. నవంబర్ వరకు గురు నాలుగవ ఇంట సంచరించడం వలన కడుపు కాలేయం అలాగే బ్యాక్ పెయిన్ తదితర ఆరోగ్య సమస్యలతో బాధ పడే అవకాశం ఉన్నది. అలాగే శని కేతువులు పంచమ స్థానంలో సంచరించుట వలన గుండె సంబంధ సమస్యలు అలాగే ఎముకల సమస్యలు మిమ్మల్ని కొంత బాధించే అవకాశం ఉంటుంది. అయితే తే నవంబర్ లో గురువు అనుకూలం గా మారటం వలన ఆరోగ్య సమస్యల నుంచి తొందరగా బయట పడగలుగుతారు. అలాగే సంవత్సరం అంతా అనుకూలంగా ఉండటం వలన ఏ సమస్య వచ్చినా అది ఎక్కువ కాలం ఉండక తొందరగా తగ్గుముఖం పడతాయి. జనవరి నుంచి కూడా అనుకూలంగా మారడం వలన ఆరోగ్యపరంగా పూర్తిగా అనుకూలంగా ఉంటుంది. గతంలో మిమ్మల్ని బాధించిన సమస్యల నుంచి ఉపశమనం పొందుతారు.

చదువు

విద్యార్థులకు ఈ సంవత్సరం నవంబర్ వరకు కొంత వ్యతిరేకంగా ఉన్నప్పటికీ నవంబర్ నుంచి అనుకూలంగా ఉండటం వలన చదువు విషయంలో అనుకూల ఫలితాలను పొందుతారు. నవంబర్ వరకు గురు గోచారం అనుకూలంగా లేకపోవడం వలన అలాగే పంచమ స్థానంలో శని కేతు సంచారం కారణంగా చదువు విషయంలో ఒత్తిళ్లు ఎక్కువగా ఉండటం ఆసక్తి తగ్గటం దాని కారణంగా అనుకున్న ఫలితాలు రాకపోవడం జరగవచ్చు. ఏ విషయంలోనైనా ఒత్తిడికి లోనుకాకుండా ప్రశాంతంగా ఉండి చదువుకున్నట్లు అయిన మీరు అనుకున్న ఫలితాలను పొందగలుగుతారు. నవంబర్ నుంచి గురువు జనవరి నుండి శని అనుకూలంగా మారడం వలన చదువు విషయంలో మీకు ఉన్న అడ్డంకులు తొలగిపోయి అనుకూలమైన ఫలితాలను పొందుతారు. ఉన్నత విద్యాభ్యాసం కొరకు మీరు చేస్తున్న ప్రయత్నాలు ఫలిస్తాయి.

పరిహారాలు

ఈ సంవత్సరం ప్రధానంగా నవంబర్ వరకు గురు అనుకూలంగా ఉండక పోవడం వలన పని ఒత్తిడి చెక్క ఉండటం అలాగే ఆరోగ్య సమస్యలు ఉండడం సంభవించ వచ్చు కాబట్టి ప్రధానంగా గురువుకి అలాగే శని పరిహార క్రియలు ఆచరించడం వలన ఈ సంవత్సరం మీకు అనుకూలంగా గడిచిపోతుంది. దీనికిగాను గురువుకు మరియు శనికి పూజలు జపాలు కానీ స్తోత్ర పారాయణం కానీ చేయడం మంచిది. వీటితోపాటు గురు సంబంధించిన స్తోత్ర పారాయణం లేదా గురుచరిత్ర పారాయణం చేయడం అలాగే శనికి సంబంధించి హనుమాన్ చాలీసా పారాయణం చేయడం అలాగే పేదలకు అనాధలకు సహాయం చేయడం వలన శని ప్రభావం చాలా వరకు తగ్గిపోతుంది.

కర్కాటక రాశిఫలములు వికారి నామ సంవత్సర రాశిఫలములు

పునర్వసు 4వ పాదము (హి) 
పుష్యమి 1, 2, 3, పాదములు (హు, హె, హో, డా) 
ఆశ్లేష 1, 2, 3, 4 పాదములు (డీ, డు, డే, డో)

ఈ వికారి నామ సంవత్సరంలో కర్కాటక రాశి వారికి గురువు, ఏప్రిల్ 23 నుంచి నవంబర్ 5 వరకు 5వ ఇంట, వృశ్చిక రాశిలో ఆతర్వాత నవంబర్ 5 నుంచి ధనూరాశిలో, 6వ ఇంట సంచరిస్తాడు. శని జనవరి 24వ తేదీ వరకు 6వ ఇంట, ధనూరాశిలో ఆ తర్వాత 7వ ఇంట, మకర రాశిలో సంచరిస్తాడు. రాహువు సంవత్సరం అంతా మిథున రాశి లో 12వ ఇంట కేతువు 6వ ఇంటిలో ధనురాశిలో సంచరిస్తారు.

వృత్తి

ఈ సంవత్సరం కర్కాటక రాశి వారికి ప్రథమార్థం అనుకూల ఫలితాలను ద్వితీయార్ధం మిశ్రమ ఫలితాలను ఇస్తుంది. అనుకూలంగా ఉండటం అలాగే శని అనుకూలంగా ఉండటం వలన వృత్తిలో అనుకూలమైన మార్పులు చోటుచేసుకుంటాయి. మీ మాటకు విలువ పెరగడం అలాగే మీ ఆలోచనలను గౌరవించడం వాటిని ఆచరణలో రూపంలో తేవటం వలన మీకు గౌరవ మర్యాదలు పెరగటమే కాకుండా వృత్తిలో అభివృద్ధి కూడా జరుగుతుంది. పదోన్నతి కానీ అనుకూలమైన స్థితి కానీ మారాలని ప్రయత్నిస్తున్న వారికి ఈ సంవత్సరం నవంబర్ లోపు అనుకూలమైన ఫలితం లభిస్తుంది. గడచిన సంవత్సరం రాహు గోచారం కారణంగా మీకు ఎన్నో చేదు అనుభవాలు అనుకోని సమస్యలు ఎదురై ఉండవచ్చు. ఈ సంవత్సరం వాటి నుంచి బయటపడటమే కాకుండా మీ సహోద్యోగులు సహాయ సహకారాలు అందుకోవడం వారి ప్రేమాభిమానాలకు పొందడం జరుగుతుంది. నవంబర్ వరకు గురు దృష్టి లాభ స్థానం పై భాగ్య స్థానం పై మరియు జన్మస్థానం పై ఉండటం వలన చాలా విషయాల్లో లో అదృష్టం కలిసి వచ్చి ఆలస్యం అవ్వాల్సిన పనులు కూడా సులువుగా పూర్తవుతాయి. విదేశాలకు వెళ్లడానికి ప్రయత్నిస్తున్న వారు కానీ లేదా అక్కడ స్థిరపడాలనుకునేవారు కానీ ఈ సంవత్సరం అనుకూలమైన ఫలితాన్ని పొందుతారు. శని గోచారం జనవరి వరకు అనుకూలంగా ఉండటం వలన పై అధికారుల నుంచి సహాయ సహకారాలు పొందడమే కాకుండా వారి మెప్పును కూడా పొందుతారు. నవంబర్ ను గురువారం ఇంటికి రావటం, జనవరిలో శని ఎడమ ఇంటికి రావడం వలన వృత్తిలో మిశ్రమ ఫలితాలను పొందుతారు. బద్ధకం, నిర్లక్ష్యం ఎక్కువవటం అలాగే మీ మాట తీరు కూడా ఎవరిని లెక్క చేయని విధంగా మారడం వలన కొంత వ్యతిరేకతను ఎదుర్కోవలసి వస్తుంది. అలాగే కే రాహు గోచారం 12 ఇంట్లో ఉండటం వలన మానసికంగా ఆందోళనలో పెరగటం చేయాల్సిన పనులు వాయిదా పడడం మొదలైన ఫలితాలు ఎదుర్కోవాల్సి వస్తుంది. వ్యాపారస్తులు ఈ సంవత్సరం అనుకూల ఫలితాన్ని పొందుతారు. పంచమ స్థానంలో గురువారం అనుకూలంగా ఉండటం వలన వారు పెట్టిన పెట్టుబడులకు రెట్టింపు లాభాలు గడిస్తారు. అలాగే భాగస్వాములు సహాయంతో వ్యాపారాన్ని మరింత అభివృద్ధి చేయగలుగుతారు. జనవరిలో శని గోచారం మారటం వలన వ్యాపారం కొంత మందకొడిగా సాగుతోంది. ఈ సమయంలో పెట్టుబడుల విషయంలో అలాగే భాగస్వాముల విషయంలో కొంత జాగ్రత్త వహించడం మంచిది. అజాగ్రత్త నిర్లక్ష్యానికి తావివ్వకండి. మీ బద్ధకం లేదా నిర్లక్ష్యం కారణంగా కొంత డబ్బు నష్టపోయే అవకాశం ఉంది. కళాకారులు స్వయం ఉపాధి రంగంలో ఉన్నవారు ఈ సంవత్సరం చాలా అనుకూలమైన ఫలితాలను పొందుతారు. పంచమ స్థానంలో గురు గోచారం వారి ప్రతిభకు మంచి గుర్తింపును ప్రోత్సాహాన్ని ఇస్తుంది. అలాగే మంచి అవకాశాలు పొంది వారి రంగాల్లో లో స్థిర పడగలుగుతారు. జనవరి తర్వాత శని గోచారం సప్తమ స్థానంలో సంచరించే సమయంలో కొంత జాగ్రత్తగా ఉండటం మంచిది. మీరు శ్రేయోభిలాషులు గా భావించేవారు మీ వెనుక గోతులు తవ్వే అవకాశం ఉంటుంది. మీకు రావలసిన అవకాశాలను పేరు ప్రతిష్టలను రాకుండా చేయటం లేదా మీ గురించి ప్రచారం చేయడం జరగవచ్చు. అటువంటి వారిని తొందరగా గుర్తించి పక్కన పెట్టడం వలన మీకు జరిగే నష్టాలు నివారించుకోవచ్చు.

కుటుంబం

ఈ సంవత్సరం మీ కుటుంబ జీవితం అనుకూలంగా ఉంటుంది. పంచమ స్థానంలో గురు గోచారం కారణంగా మీ పిల్లలు మంచి అభివృద్ధిలోకి వస్తారు. వారి కారణంగా మీ పేరు ప్రతిష్టలు పెరుగుతాయి. వివాహం కాని వారికి అలాగే సంతానం కాని వారికి ఈ సంవత్సరం అనుకూల ఫలితాలను ఇస్తుంది. గురువు దృష్టి లగ్న స్థానంపై అలాగే లాభ స్థానం గురు దృష్టి కారణంగా మీ మిత్రుల నుంచి మీకు సహాయ సహకారాలు అందుతాయి అలాగే మీకంటే పెద్దవారి నుంచి కూడా మీకు మంచి సహాయ సహకారాలు అందుతాయి. మీ కుటుంబంలో శుభకార్యాలు జరుగుతాయి. మీ మాటకు విలువ పెరగడమే కాకుండా మీరు ఇచ్చే సలహాలు పాటించి అభివృద్ధిలోకి వస్తారు. అయితే రాహు గోచారం పన్నెండవ స్థానంలో ఉండటం వలన కొంతమంది కుటుంబ సభ్యుల కారణంగా మీకు అసహనం చిరాకు పెరిగే అవకాశం ఉంది. అలాగే జనవరి తర్వాత శని సప్తమ స్థానానికి రావడం వలన మీ జీవిత భాగస్వామి తో మనస్పర్థలు ఏర్పడే అవకాశం ఉంది. వారి నుంచి సహాయ సహకారాలు తగ్గటం తద్వారా మీలో కోపం ఆవేశం పెరగడం జరగవచ్చు. అయితే గురు దృష్టి కుటుంబ స్థానంపై ఉండటం వలన సమస్యలు వచ్చినప్పటికీ వాటికి తొందరలో పరిష్కారాలు అవి పెద్దవి కాకుండా నివారింపబడతాయి.

ఆర్థికస్థితి

ఈ సంవత్సరం ఆర్థిక స్థితి మెరుగు గా ఉంటుంది. పంచమ స్థానంలో గురు గోచారం కారణంగా మీరు పెట్టిన పెట్టుబడులకు మంచి లాభాలు వస్తాయి అలాగే ఉద్యోగంలో కూడా పదోన్నతి ద్వారా ఆదాయం పెరగటం వలన ఆర్థిక సమస్యలు తగ్గుముఖం పడతాయి. ఇల్లు లేదా వాహనం కొనుగోలు చేయాలనుకునే వారు సంవత్సరం నవంబర్ లోపు దాని కొరకు ప్రయత్నించడం మంచిది. గురువు అనుగ్రహం కారణంగా అనుకూలమైన ధరలో ఇల్లు లేదా వాహనాన్ని కొనుగోలు చేయగల్గుతారు. నవంబర్ తర్వాత గురు దృష్టి ఇ స్థానంపై ఉండటం వలన కూడా ఆర్థికంగా అనుకూలిస్తుంది. అయితే రాహువు గోచరము ఉండటం సప్తమ స్థానంలో శని కారణంగా కొంత అనవసరమైన ఖర్చులకు గురికావలసి వస్తుంది. జనవరి తర్వాత ఖర్చులు పెట్టుబడుల విషయంలో కొంత జాగ్రత్తగా ఉండటం మంచిది.

ఆరోగ్యం

ఈ సంవత్సరం ఆరోగ్యం విషయంలో ప్రథమార్థం అనుకూలంగా ద్వితీయార్థం మిశ్రమంగా ఉంటుంది. గురు గోచారం పంచమ స్థానంలో అనుకూలంగా ఉండటం వలన నవంబర్ వరకు ఆరోగ్య సమస్యలు మిమ్మల్ని పెద్దగా బాధించవు. నవంబర్ తర్వాత గురు గోచారం మారటం అలాగే జనవరిలో శని గోచారం మారడం వలన కొన్ని ఆరోగ్య సమస్యలకు లో వస్తుంది. మెడ, తల పాదాలు మరియు కడుపుకు సంబంధించిన ఆరోగ్య సమస్యలు మిమ్మల్ని భావించవచ్చు. పన్నెండవ ఇంట రాహు గోచారం కారణంగా మానసికంగా ఆందోళనకు లోనవడం లేని భయాన్ని ఊహించుకొని బాధపడటం తద్వారా డిప్రెషన్కు లోనవడం జరిగే అవకాశం ఉంటుంది కాబట్టి మిమ్మల్ని మీరు ఏదో ఒక పనిలో నిమగ్నం చేసుకోవడం వలన ఈ ఆరోగ్య సమస్యల నుంచి దూరం ఆవగలుగుతారు .

చదువు

విద్యార్థులకు ఈ సంవత్సరం అనుకూలంగా ఉంటుంది. పంచమ స్థానంలో గురువు గోచారం కారణంగా పరీక్షల్లో అనుకున్నదానికంటే ఎక్కువ ఫలితాన్ని పొందుతారు. మీరు పడిన శ్రమకు తగిన ఫలితమే కాకుండా పేరును గుర్తింపును కూడా పొందుతారు. గురుదృష్టి ఉండటం వలన ఉన్నత విద్య విషయంలో ఎలాంటి అడ్డంకులు లేకుండా మంచి విద్యా సంస్థలు ప్రవేశాన్ని పొందగలుగుతారు. అలాగే విదేశాల్లో విద్యాభ్యాసం పూర్తి చేయాలని విద్యార్థులు కూడా సరైన ఫలితాన్ని పొందుతారు. అయితే రాహు గోచారం కారణంగా గా మానసికంగా కొంత ఒత్తిడికి గురయ్యే అవకాశం ఉంటుంది. చదువుతో పాటుగా ఇతర విషయాలపై కొంత దృష్టి నిలపడం వలన ఈ సమస్య దూరమయ్యే అవకాశం ఉంటుంది.

పరిహారాలు

ఈ సంవత్సరం చేయాల్సిన పరిహారాల విషయానికొస్తే ముఖ్యంగా రాహు అలాగే శనికి పరిహారాలు చేసుకోవడం మంచిది దాని వలన మానసిక ఆరోగ్య సమస్యలే కాకుండా శారీరక సమస్యలు కూడా దూరం అవుతాయి అలాగే ఆర్థిక స్థితి కూడా మెరుగుపడుతుంది దీనికి గాను రాహు గ్రహాలకు జపం చేసుకోవడం లేదా ఆ గ్రహాల స్తోత్ర పారాయణం చేయడం మంచిది అలాగే ఆంజనేయ స్వామికి దుర్గాదేవి సంబంధిత స్తోత్ర పారాయణం చేయడం కూడా అనుకూలమైన ఫలితాలను ఇస్తుంది.

మిథున రాశిఫలములు వికారి నామ సంవత్సర రాశిఫలములు

మృగశిర 3,4 పాదములు (కా,కి),
ఆరుద్ర 1,2,3,4 పాదములు(కు, ఘ, ఙ, ఛ) 
పునర్వసు 1,2,3 పాదములు (కే,కో, హా)

ఈ వికారి నామ సంవత్సరంలో మిథున రాశి వారికి గురువు, ఏప్రిల్ 23 నుంచి నవంబర్ 5 వరకు 6వ ఇంటిలో, వృశ్చిక రాశిలో ఆతర్వాత నవంబర్ 5 నుంచి ధనూరాశిలో, 7వ ఇంట సంచరిస్తాడు. శని జనవరి 24వ తేదీ వరకు 7వ ఇంట, ధనూరాశిలో ఆ తర్వాత 8వ ఇంట, మకర రాశిలో సంచరిస్తాడు. రాహువు సంవత్సరం అంతా మిథున రాశి లో 1వ ఇంట కేతువు 7వ ఇంటిలో ధనురాశిలో సంచరిస్తారు.

వృత్తి

మిధున రాశి వారికి ఈ సంవత్సరం అనుకూలంగా ఉంటుంది. ఆరు, ఏడు ఇళ్లలో గురు గోచారం అనుకూలంగా ఉండటం అలాగే శని గోచారం ఏడు మరియు ఎనిమిదవ ఇంట గోచారం కారణంగా ప్రథమార్థం వృత్తి పరంగా, కుటుంబ పరంగా అనుకూలంగా ఉంటుంది. ద్వితీయార్థంలో కొన్ని అనుకోని మార్పులు జరిగే అవకాశం ఉంటుంది. ఉద్యోగస్థులకు ఈ సంవత్సరం చాలా అనుకూలంగా ఉంటుంది గురు దృష్టి నవంబర్ వరకు ధన స్థానం పై అలాగే దశమ స్థానం పై ఉండటం వలన వృత్తిలో అభివృద్ధి అలాగే ఆర్థికంగా అభివృద్ధి మరియు గుర్తింపు లభిస్తాయి. నవంబర్ నుంచి సప్తమ స్థానంలో గోచారం కారణంగా వృత్తి లో మార్పులు అలాగే విదేశీ యానం లేదా ఉద్యోగం చేస్తున్న ప్రదేశంలో మార్పు ఉంటాయి. ఈ మార్పు అనుకూల ఫలితాలను ఇస్తుంది. అయితే ఈ సంవత్సరం అంతా రాహు లగ్న స్థానంలో అంటే మిథున రాశిలో గోచారం కారణంగా మీపై అపవాదులు కానీ నిందలు కానీ వచ్చే అవకాశం ఉంటుంది. అలాగే మీ ప్రవర్తన విషయంలో కూడా కొంత జాగ్రత్త అవసరం. జన్మస్థానం లో రాహు అహంకారాన్ని మాట వినని స్వభావాన్ని పెంచుతారు దాని కారణంగా మీ సహోద్యోగులతో వివాదాలు పెరగటం అలాగే మీ అబ్బాయి అధికారుల దృష్టిలో మీరు అహంకారం కలవారు మాట వినని వారు గా మిగిలి పోతారు దాని కారణంగా జనవరి తర్వాత వృత్తిలో లో అనుకోని మార్పులు జరగడం కానీ లేదా పని ఒత్తిడి పెరగడం కాని జరగవచ్చు. అంతేకాకుండా మీకు రావలసిన పదోన్నతి కానీ మంచి మార్పు కానీ వాయిదా పడే అవకాశం ఉంటుంది. అంతేకాకుండా జన్మ స్థానంలో రాహువు పోరాడే స్వభావాన్ని విజయం కొరకు ఏదైనా చేసే తెగింపును ఇస్తాడు. దాని కారణంగా మీరు విజయం కొరకు తప్పుడు మార్గాన్ని పెంచుకునే అవకాశం ఉంది కాబట్టి విజయంతో పాటుగా మంచి పేరు ప్రజల గుర్తింపు కొరకు పాటు పడటం మంచిది. తాత్కాలిక విజయం కొరకు మీరు చేసే ప్రయత్నాలు భవిష్యత్తులో మీకు అనవసరమైన సమస్యలను సృష్టించవచ్చు కాబట్టి ఇ ఓపికగా ఏకాగ్రతతో పని చేసినట్లైతే మీరు అనుకున్న విజయాన్ని సాధించ గలుగుతారు. జనవరి తర్వాత శని గోచారం అష్టమ స్థానంలో సంచరించడం కారణంగా మీకు రావలసిన పేరును విజయాన్ని రాకుండా చేయడానికి కొంతమంది ప్రయత్నించే అవకాశం ఉంది కాబట్టి ఇతరుల విషయంలో కొంత జాగ్రత్త అవసరం. అందరితోనూ సామరస్య పూర్వకంగా ప్రేమపూర్వకంగా మెలగటం వలన చాలా సమస్యలు దూరం చేసుకోగలుగుతారు. వ్యాపారస్తులకు ఈ సంవత్సరం చాలా అనుకూలంగా ఉంటుంది. గురు గోచారం కారణంగా వ్యాపారం అభివృద్ధి అలాగే ఆర్థిక స్థితి మెరుగు పడటం జరుగుతుంది. ఈ సంవత్సరం మీరు అనుకున్న విజయాన్ని సాధించగలుగుతారు. అలాగే మీరు చేస్తున్న వ్యాపారం లో కొత్తగా భాగస్వాములు చేరడం కానీ లేదా కొత్త బ్రాంచ్ ఓపెన్ చేయడం కానీ జరుగుతుంది. రాహు గోచారం చంద్రునిపై సంచరించడం కారణంగా వ్యాపారంలో కొన్నిసార్లు మంచి అభివృద్ధి మరి కొన్నిసార్లు సామాన్య స్థితి ఉంటుంది. అలాగే మానసికంగా కూడా ఒత్తిడి అధికంగా ఉంటుంది. కళాకారులు స్వయం ఉపాధి రంగంలో ఉన్నవారు ఈ సంవత్సరం మంచి అభివృద్ధిని పొందుతారు. మీరు చేస్తున్న ప్రయత్నాలు విజయవంతమై మీకు మంచి పేరును గుర్తింపును ఇస్తాయి ముఖ్యంగా నవంబర్ నుంచి గురువు గోచారం సప్తమ స్థానంలో అనుకూలంగా ఉండటం వలన మీ కళకు, విద్యకు గుర్తింపు లభిస్తుంది. అయితే జనవరి తర్వాత శని దృష్టి దశమ స్థానం పై ఉండటం వలన మీకు రావలసిన పేరు ప్రతిష్టలను వేరే వారు తీసుకెళ్లడం కానీ లేక అడ్డుపడం గాని జరగవచ్చు. ఇతరులను సులువుగా నమ్మక మీ జాగ్రత్తలో మీరు ఉండటం మంచిది.

కుటుంబం

ఈ సంవత్సరం మీకు కుటుంబ జీవితం అనుకూలంగా ఉంటుంది. నవంబర్ వరకు గురు దృష్టి కుటుంబ స్థానంపై ఉండటం నవంబర్ తర్వాత గురు దృష్టి జన్మస్థానం పై ఉండటం వలన కుటుంబంలో లో అనుకూలం ఫలితాలు ఏర్పడతాయి. వివాహం గురించి కానీ సంతానం గురించి ఎదురు చూసే వారికి ఈ సంవత్సరం నవంబర్ తర్వాత అనుకూలత లభిస్తుంది. అలాగే కుటుంబంలో శుభకార్యాలు జరగడం, కుటుంబ సభ్యుల మధ్య ప్రేమాభిమానాలు పెరగడం జరుగుతుంది. అయితే రాహువు గోచరము కొంత సామాన్యం గా ఉండటం వలన అనవసర వివాదాలు అలాగే మీ గురించి చెడుగా మాట్లాడటం లేదా పుకార్లు రావటం జరగవచ్చు. జనవరి వరకు శని గోచారం సప్తమ స్థానంలో లో ఆ తర్వాత అష్టమ స్థానంలో సంచరించడం వలన మీకు మరియు మీ జీవిత భాగస్వామికి మధ్య కొన్ని మనస్పర్థలు ఏర్పడే అవకాశం ఉంటుంది. అయితే గురు గోచారం అనుకూలంగా ఉండటం వలన ఈ సమస్యలు పెద్దవి కాకుండా తొందరగానే సమసిపోతాయి. సప్తమ స్థానంలో లో కేతువు గోచారము కారణంగా మీ జీవిత భాగస్వామికి ఆరోగ్య సమస్యలు వచ్చే అవకాశం ఉంటుంది.

ఆర్థిక స్థితి

ఆర్థిక స్థితి విషయానికొస్తే ఈ సంవత్సరం చాలా అనుకూలంగా ఉంటుంది. గురు గోచారం బాగుండటం వలన మీ ఆర్థిక స్థితి మెరుగు పడుతుంది. అలాగే గతంలో చేసిన అప్పులు కానీ, లోన్లు కానీ సమయానికి తీర్చుకోగలుగుతారు. పెట్టుబడుల కారణంగా కూడా మంచి ఆదాయం లభిస్తుంది. సంవత్సర ద్వితీయార్ధంలో ఇల్లు కానీ వాహనం కానీ కొనుగోలు చేస్తారు. పెట్టుబడుల విషయంలో ప్రథమార్థం కన్నా ద్వితీయార్థం ఎక్కువగా అనుకూలిస్తుంది. అయితే జనవరి తర్వాత శని దృష్టి ధన స్థానం పై పడటం వలన అనుకోని ఖర్చులు కానీ ఆర్ధిక నష్టం కానీ సంభవించే అవకాశం ఉంది. పెట్టుబడుల విషయంలో కొంత జాగ్రత్తగా ఆలోచించి పెట్టడం మంచిది. అలాగే జన్మస్థానంలో రాహు సంచారం కారణంగా కొన్నిసార్లు గొప్పలకు పోయి అనవసరంగా డబ్బు ఖర్చు చేసే అవకాశం ఉన్నది.

ఆరోగ్యం

ఆరోగ్య విషయంలో ఈ సంవత్సరం అనుకూలంగా ఉంటుంది. నవంబర్ నుంచి చి జన్మస్థానం పై ఉండటం వలన గతంలో ఉన్న ఆరోగ్య సమస్యలు తొలగిపోతాయి. అలాగే జనవరి తర్వాత శని అష్టమ స్థానంలో సంచరించుట, రాహు జన్మస్థానంలో సంచరించడం వలన మెడ, కడుపు, ఎముకలు, ఊపిరితిత్తులు మరియు పాదాలకు సంబంధించిన అనారోగ్యాలలో వలన బాధ పడే అవకాశం ఉంటుంది అయితే నవంబర్ నుంచి గురు గోచారం అనుకూలంగా ఉండటం వలన ఆరోగ్య సమస్యలు ఎక్కువ కాలం ఉండకుండా తొందరగా తగ్గుతాయి. ఆహార విషయంలో సరైన జాగ్రత్తలు తీసుకోవడం అలాగే అలవాట్ల విషయంలో జాగ్రత్తగా ఉండటం వలన చాలా వరకు ఆరోగ్య సమస్యలు దూరం అవుతాయి.

చదువు

విద్యార్థులకు ఈ సంవత్సరం అనుకూలంగా ఉంటుంది. విద్యా కారకుడైన గురువు గోచారం అనుకూలంగా ఉండటం వలన చదువులో లో మంచి ఉన్నతిని సాధిస్తారు. అనుకున్న ఫలితాన్ని పొందుతారు. అయితే శని రాహువులు జనవరి వరకు సమ సప్తకాలుగా ఉండటం వలన కొంత బద్ధకము మొండితనము అలాగే అవకాశం ఉంది అలాగే విజయం కొరకు తప్పుడు విధానాలు అవలంబించే అవకాశం కూడా ఉంది. నిజాయితీగా మరియు బద్ధకం లేకుండా చదివిన యెడల మంచి విజయాన్ని సాధించగలుగుతారు. సప్తమ స్థానంలో గురువు గోచారం ఉన్నత విద్య అవకాశాలను మెరుగుపరుస్తుంది. అలాగే విదేశాల్లో చదవడానికి కూడా అవకాశాలను కల్పిస్తుంది.

పరిహారాలు

ఈ సంవత్సరం మీకు రాహు, శని మరియు కేతు గోచారం అనుకూలంగా లేకపోవడం వలన కొన్ని సమస్యలను ఎదుర్కునే అవకాశం ఉంటుంది. ఆ సమస్యల ప్రభావం తగ్గడానికి అనుకూల ఫలితాలను పొందడానికి శనికి రాహువుకు మరియు కేతువుకు పరిహార క్రియలు ఆచరించడం మంచిది. దీనికి గాను శని జపం రాహు జపం మరియు కేతు జపం చేయటం లేదా ఈ గ్రహాల స్తోత్ర పారాయణం చేయడం లేదా ఆంజనేయ దుర్గా మరియు గణేశ సంబంధ స్తోత్ర పారాయణం చేయడం మంచిది

వృషభ రాశి రాశిఫలములు వికారి నామ సంవత్సర రాశి ఫలములు

 కృత్తిక నక్షత్రం 2,3,4 పాదములు (ఈ,ఊ,ఏ) రోహిణి నక్షత్రం 1,2,3,4 పాదములు,(ఓ,వా,వీ,వూ) , మృగశిర నక్షత్రం 1,2 పాదములలో (వే,వో) జన్మించిన వారు వృషభ రాశి జాతకులు

ఈ వికారి నామ సంవత్సరంలో వృషభ రాశి వారికి గురువు, ఏప్రిల్ 23 నుంచి నవంబర్ 5 వరకు ఏడవ ఇంటిలో, వృశ్చిక రాశిలో సంచరిస్తాడు. నవంబర్ 5 నుంచి ధనూరాశిలో, 8వ ఇంట సంచరిస్తాడు. శని జనవరి 24వ తేదీ వరకు 8వ ఇంట, ధనూరాశిలో ఆ తర్వాత 9వ ఇంటిలో, మకర రాశిలో సంచరిస్తాడు. రాహువు సంవత్సరం అంతా మిథున రాశి లో 2వ ఇంట కేతువు 8వ ఇంటిలో ధనురాశిలో సంచరిస్తారు.

ఈ సంవత్సరం మీకు మిశ్రమ ఫలితాలు ఉంటాయి. ప్రథమార్థం సానుకూలంగా ఉన్నప్పటికీ ద్వితీయార్ధంలో ఖర్చులు పెరగడం లాంటి ఫలితాలు ఉంటాయి.

ఉద్యోగం

ఈ సంవత్సరం ఉద్యోగస్తులకు అనుకూలంగా ఉంటుంది. గడచిన సంవత్సరంలో శని గోచారం అనుకూలంగా లేకపోవడం వలన వృత్తిపరంగా చాలా సమస్యలను ఎదుర్కోవలసి వచ్చింది. ఈ సంవత్సరం నవంబర్ వరకు గురు సంచారం అనుకూలంగా ఉండటం అలాగే జనవరి నుంచి శని అష్టమ స్థానం నుంచి నవమ స్థానానికి సంచరించడం వలన వృత్తిలో అనుకూల వాతావరణాన్ని పొందుతారు. జనవరి వరకు మీ ఉద్యోగంలో చిన్న చిన్న సమస్యలు ఉన్నప్పటికీ గురువారం అనుకూలంగా ఉండటం వలన వాటిని తట్టుకొని బయటపడగలుగుతారు. ఈ సమయంలో మీ పై అధికారులతో అలాగే సహోద్యోగులతో మనస్పర్థలు రావటం దాని కారణంగా ఆఫీస్ లో ప్రశాంత వాతావరణాన్ని కోల్పోవడం జరుగుతుంది. మీ గురించి వ్యతిరేక ప్రచారం జరగడం, అలాగే కావాలని మిమ్మల్ని అవమానించడం లేదా తక్కువ చేసి మాట్లాడటం జరుగుతుంది. అయితే గురు గోచారం అనుకూలంగా ఉండటం వలన వ్యతిరేకులతో పాటుగా మిమ్మల్ని సమర్థించేవారు ఉండటం అలాగే చెడు చేద్దాం అనుకునే వారు కూడా ఇబ్బందుల పాలు అవడం వలన మీకు పెద్దగా ఇబ్బందికర వాతావరణం ఉండదు. అయితే కొన్నిసార్లు ఈ వ్యతిరేక వాతావరణం వలన వృత్తి పట్ల ఆసక్తి తగ్గడం విపరీతమైన ఒత్తిడికి లోనవడం జరగవచ్చు. వీలైనంతవరకు ఇలాంటి విషయాలను పట్టించుకోకుండా ఉండటం వలన మీరు ఒత్తిడి నుంచి బయటపడగలుగుతారు అలాగే మీ పనికి గుర్తింపు లభిస్తుంది. శని దృష్టి వాక్ స్థానంపై ఉండటం వలన మీ మాట తీరు కారణంగా కూడా సమస్యలు ఎదుర్కునే అవకాశం ఉంటుంది కాబట్టి వీలైనంత తక్కువగా మాట్లాడటం మంచిది లేదా అనవసర విషయాల్లో జోక్యం చేసుకోకుండా ఉండటం మంచిది. ఉద్యోగంలో మార్పు కోరుకునేవారు నవంబర్ లోపు కానీ లేదా జనవరి తర్వాత కానీ ప్రయత్నం చేయటం మంచిది. ముఖ్యంగా జనవరి తర్వాత వృత్తి తో పాటు ప్రదేశంలో కూడా మార్పు కనిపిస్తున్నది. వ్యాపారస్తులకు ఈ సంవత్సరం ప్రథమార్థం బాగా కలిసొస్తుంది. వ్యాపారం అభివృద్ధి చెందడమే కాకుండా ఆదాయం కూడా పెరుగుతుంది. అయితే అష్టమ శని కారణంగా కొన్నిసార్లు తీసుకున్న తప్పుడు నిర్ణయాలు కొంత నష్టం కూడా ఇవ్వొచ్చు. తొందరపడి నిర్ణయాలు తీసుకోకుండా ఆలోచించి మంచిది. కొత్తగా పెట్టుబడులకు నవంబర్ వరకు అనుకూల సమయం. నవంబర్ తర్వాత గురు అష్టమ స్థానంలో సంచరిస్తాడు కాబట్టి భారీ పెట్టుబడులకు అనుకూల సమయం కాదు. కళాకారులు స్వయం ఉపాధి రంగంలో ఉన్నవారు ఈ సంవత్సరం అనుకూల ఫలితాలు పొందుతారు. ముఖ్యంగా ద్వితీయార్ధంలో మంచి అవకాశాల కారణంగా పేరు ప్రతిష్ఠలు సంపాదిస్తారు.

కుటుంబం

ఈ సంవత్సరం కుటుంబ విషయంలో కొంత మధ్యస్థంగా ఉంటుంది. శని దృష్టి కుటుంబ స్థానం పై ఉండటం వలన అలాగే రాహు గోచారం కుటుంబ స్థానంలో జరగడం వలన కొంత అసౌకర్య వాతావరణం ఏర్పడుతుంది. కుటుంబ సభ్యుల మధ్య కలహాలు, మనస్పర్థలు ఏర్పడే అవకాశం ఉంటుంది. అయితే నవంబర్ వరకు గురు సంచారం అనుకూలంగా ఉండటం అలాగే జనవరి తర్వాత శని అష్టమ స్థానం నుంచి స్థానానికి మారటం వలన కొంత అనుకూల వాతావరణం ఏర్పడుతుంది. రాహు స్థితి మరియు శని దృష్టి కారణంగా మీ మాట తీరుతో కుటుంబ సభ్యులను బాధకు గురి చేసిన వారవుతారు వీలైనంతవరకు తొందరపడి మాట్లాడకుండా అర్థం చేసుకుని మాట్లాడటం మంచిది. అలాగే బంధుమిత్రులతో స్నేహితులతో అనవసర వివాదాలకు తావివ్వకుండా జాగ్రత్త పడండి. సప్తమ స్థానంలో గురు గోచారం కారణంగా మీ జీవిత భాగస్వామికి వృత్తిలో అభివృద్ధి కలగటం అలాగే జీవితంలో విజయాలు సాధించడం మొదలైన శుభఫలితాలుంటాయి. గురు దృష్టి సప్తమ స్థానం నుంచి లాభ స్థానం పై అలాగే మూడవ ఇంటిపై ఉండటం వలన మీ మిత్రుల నుంచి మరియు బంధువుల నుంచి కొంత సహాయ సహకారాలు అందుతాయి అలాగే మీ సోదరుల నుంచి మీకు సాయం అందుతుంది. వివాహం కాకుండా సరైన సమయం కొరకు ఎదురు చూస్తున్న వారు ఈ సంవత్సరం అనుకూల ఫలితాన్ని పొందుతారు, ముఖ్యంగా ఏప్రిల్ నుంచి నవంబర్ మధ్యలో వీరికి వివాహ ఘడియలు. అలాగే గతంలో మీ జీవిత భాగస్వామి తో మీరు ఏర్పడిన మనస్పర్థలు తొలగిపోయి ఇంట్లో అనుకూల వాతావరణం ఏర్పడుతుంది.

ఆర్థికస్థితి

ఈ సంవత్సరం ఆర్థికంగా మిశ్రమంగా ఉంటుంది. ఆదాయం అధికంగా ఉన్నప్పటికీ ఖర్చుల కారణంగా ఆదాయ వ్యయాలు మధ్యలో వ్యత్యాసం పెద్దగా ఉండదు. శని దృష్టి ఉండటం వలన అనవసర విషయాల్లో ఎక్కువ ఖర్చు పెట్టడం జరుగుతుంది. ఇల్లు కాని. వాహనం కానీ కొనాలనుకునేవారు నవంబర్ లోపు కొనడం మంచిది. నవంబర్ తర్వాత గురు గోచారం అనుకూలంగా ఉండదు కాబట్టి ఖర్చులు, పెట్టుబడుల విషయంలో కొంత జాగ్రత్త అవసరం. రెండో ఇంట్లో రాహు గోచారం కారణంగా గొప్పలకు పోయి అనవసరంగా డబ్బు ఖర్చు పెడతారు కాబట్టి ఖర్చుల విషయంలో లో ముందు వెనకా చూడక ఖర్చుచేయడం తగ్గించాల్సి ఉంటుంది.

ఆరోగ్యం

ఆరోగ్య విషయంలో ఈ సంవత్సరం మిశ్రమ ఫలితాలను ఇస్తుంది. నవంబర్ వరకు గురు గోచారం అనుకూలంగా ఉంటుంది కాబట్టి ఇ ఆరోగ్య సమస్యలు పెద్దగా ఉండవు అయితే నవంబర్ తర్వాత గురువు శని జనవరి వరకు అష్టమ స్థానంలో సంచరిస్తారు దీని కారణంగా కొన్ని సమస్యలు వచ్చే అవకాశం ఉంటుంది ముఖ్యంగా ఊపిరితిత్తులు కాలేయము ఎముకలు మరియు మేడ సంబంధించిన అనారోగ్య సమస్యలు వచ్చే అవకాశం ఉంటుంది సంవత్సరమంతా ఉంటుంది కాబట్టి చర్మ సంబంధ అనారోగ్యం మరియు మానసిక ఆందోళనలు కలిగే అవకాశం ఉంటుంది. ఆహారపు అలవాట్ల విషయంలో కొంత జాగ్రత్త వహించడం అలాగే శారీరక శ్రమ చేయడం వలన ఆరోగ్య సమస్యలు తగ్గుతాయి

చదువు

విద్యార్థులకు ఈ సంవత్సరం కొంత అనుకూలంగా ఉంటుంది పరీక్షల్లో అనుకున్న ఫలితాలు సాధించడమే కాకుండా మంచి ఉన్నత విద్యా యోగం కూడా ఈ సంవత్సరం ఉంటుంది. అయితే స్థానంలో రాహువు అష్టమ స్థానంలో శని సంచారం కారణంగా చదువు విషయంలో కొంత అహంభావానికి అలాగే తొందరపడి లోనయ్యే అవకాశం ఉంటుంది దాని కారణంగా రావలసిన అన్ని మార్కులు రాక ఇబ్బంది పడవచ్చు కాబట్టి చదువు విషయంలో ఎటువంటి నిర్లక్ష్యాన్ని వాయిదా వేసే స్వభావాన్ని దగ్గరికి రాకుండా చూసుకోండి. జనవరి నుంచి శని భాగ్య స్థానంలో సంచరించడం వలన ఉన్నత విద్య విషయంలో కొన్ని అడ్డంకులు ఎదురయ్యే అవకాశం ఉంటుంది కాబట్టి జాగ్రత్త వహించడం మంచిది.

పరిహారాలు

ఈ సంవత్సరం మీరు ముఖ్యంగా శనికి మరియు కేతువు అలాగే నవంబర్ తర్వాత గురువుకు పరిహారాలు చేసుకోవడం మంచిది దీనివలన ఖర్చు తగ్గడమే కాకుండా ఆరోగ్య సమస్యలు కూడా తగ్గుముఖం పడతాయి అలాగే విద్యార్థులకు మంచి ఫలితాలు లభిస్తాయి దీనికిగాను శని కేతు మరియు గురు లేదా ఈ గ్రహాల పూజ చేసుకోవడం మంచిది అలాగే ఆంజనేయ గణేశా మరియు దత్తాత్రేయ స్వామి కి సంబంధించిన స్తోత్ర పారాయణం కూడా మంచి ఫలితాలనిస్తుంది ఉన్నంతకాలం శారీరక శ్రమ చేయడం, అలాగే ఇతరులకు సహాయం చేయడం an వలన శని ప్రభావం తగ్గుముఖం పడుతుంది.

మేష రాశి ఫలితములు 2019-2020 వికారి నామ సంవత్సర రాశిఫలములు

అశ్వని 1, 2, 3, 4, పాదములు (చూ, చే, చో, లా) 
భరణి 1, 2, 3, 4 పాదములు (లీ, లూ, లే, లో)
కృత్తిక 1వ పాదము (ఆ)

ఈ వికారి నామ సంవత్సరంలో మేష రాశి వారికి గురువు, ఏప్రిల్ 23 నుంచి నవంబర్ 5 వరకు ఎనిమిదవ ఇంటిలో, వృశ్చిక రాశిలో సంచరిస్తాడు. నవంబర్ 5 నుంచి ధనూరాశిలో, తొమ్మిదవ ఇంట సంచరిస్తాడు. శని జనవరి 24వ తేదీ వరకు 9వ ఇంట, ధనూరాశిలో ఆ తర్వాత పదవ ఇంటిలో మకర రాశిలో సంచరిస్తాడు. రాహువు సంవత్సరం అంతా మిథున రాశి లో మూడవ ఇంట కేతువు తొమ్మిదవ ఇంటిలో ధనురాశిలో సంచరిస్తారు.

ఉద్యోగం

ఈ వికారి నామ సంవత్సరంలో మేషరాశి వారికి ప్రథమార్థం కొంత సామాన్యంగా ఉన్న ద్వితీయార్థం మాత్రం బాగా కలిసి వస్తుంది. గురు చంద్రుల గోచారం ప్రథమార్థంలో కొంత సామాన్యంగా ఉండటం వలన వృత్తిలో ఒత్తిడి ఎక్కువగా ఉండటం అలాగే అనుకోని మార్పులు చోటు చేసుకోవడం జరుగుతుంది. ఏప్రిల్ నుంచి నవంబర్ లో మధ్యలో గురువు అష్టమ స్థానంలో సంచరించడం వలన ఉద్యోగంలో అనుకోని చికాకులు ఏర్పడటం, కావలసిన పనులన్నీ చివరిక్షణంలో వాయిదా పడటం అలాగే పై అధికారులతో సరైన అవగాహన ఉండకపోవడం వలన ఈ విషయంలో అనుకున్న ఫలితం రాకపోతే అవకాశం ఉంటుంది. అయితే నవంబర్ లో గురువు తొమ్మిదవ ఇంటికి రావడం అలాగే జనవరిలో శని పదవ ఇంటికి రావడం వలన వృత్తిలో అనుకూలమైన మార్పులు చోటుచేసుకుంటాయి. పేరు ప్రమోషన్ కొరకు కానీ లేదా వృత్తిలో మార్పు కొరకు ఎదురు చూస్తూన్నట్లయితే అది ద్వితీయార్థంలో అనుకూలంగా ఉంటుంది. ఈ సంవత్సరం రాహు మూడవ ఇంటిలో సంచరించడం వలన ఎన్ని రకాల అడ్డంకులు ఏర్పడినప్పటికీ మీలో ఉత్సాహం సన్నగిల్లకుండా పనులు పూర్తిచేసుకోగలుగుతారు. విదేశీయానానికి సంబంధించి ప్రయత్నాలు అనుకూలిస్తాయి. అలాగే విదేశాల్లో ఉండే ఉద్యోగస్థులకు ద్వితీయార్ధంలో వీసా సమస్యలు తీరుతాయి. వ్యాపారస్తులకు ఈ సంవత్సరం అనుకూలంగా ఉంటుంది. ప్రథమార్థంలో ఖర్చుకు తగిన ఫలితం ఉండకపోవటం అలాగే పనులు వాయిదా పడటం వలన ఆర్థికంగా అనుకున్నంత రాబడి ఉండకపోవచ్చు. నూతన వ్యాపారాలు ప్రారంభించాలనుకునే వారు నవంబర్ వరకు ఆగి నవంబర్లో గురు మారక వ్యాపారాలు ప్రారంభించడం మంచిది. అలాగే వ్యాపార పెట్టుబడులు కూడా నవంబర్ వరకు సమయం అనుకూలంగా ఉండదు. నవంబర్ నుంచి అనుకూలంగా మారడం వలన మీ వ్యాపారంలో అనుకోని అభివృద్ధి చోటు చేసుకుంది అలాగే ఆర్థిక సమస్యలు కూడా తీరుతాయి. మీ వ్యాపారం అభివృద్ధి చెందడమే కాకుండా నూతన వ్యాపారాలు ప్రారంభించటానికి మంచి అవకాశాలు కూడా లభిస్తాయి. రాహు అనుకూల గోచారం కారణంగా ఏ సంవత్సరంలో మీ వ్యాపారం మంచి ప్రచారాన్ని పొంది అభివృద్ధి లోకి వస్తుంది. అలాగే స్వయం ఉపాధి రంగంలో ఉండే వారికి కూడా ఈ సంవత్సరం బాగా కలిసి వస్తుంది. మీరు చేసే ప్రయత్నాలు ఫలించి మీకు మీ వృత్తి పరంగా ఒక స్థిరత్వాన్ని విజయాన్ని ఈ సంవత్సరం అందుకుంటారు.

ఆర్థిక స్థితి

మీకు ఈ సంవత్సరం ఆర్ధికంగా ప్రథమార్థం కంటే ద్వితీయార్థం చాలా అనుకూలంగా ఉంటుంది. ఈ సంవత్సరం నవంబర్ వరకు గురు గోచారం అనుకూలంగా లేకపోవడం వలన ఆర్థికంగా కొంత ఒడిదుడుకులకు లోను కావలసి వస్తుంది. అనుకున్నదాని కంటే ఖర్చులు ఎక్కువ అవటం రాబడి పరంగా అంత అనుకూలంగా ఉండక పోవడం వలన మీ ఆర్ధిక స్థితి విషయంలో కొంత జాగ్రత్తగా ఉండటం మంచిది అనవసరమైన ఖర్చులను తగ్గించి పొదుపు పెంచడం వలన ఆర్థిక సమస్యల నుంచి దూరం అవడానికి ఆస్కారం ఉంటుంది. సంవత్సర ద్వితీయార్ధంలో నవంబర్ తర్వాత గురువారం అనుకూలంగా మారడం వలన ఆర్థిక స్థితి మెరుగు పడుతుంది ఇల్లు లేదా వాహనం కొనుగోలు చేస్తారు అలాగే మీ ఆదాయం కూడా పెరుగుతుంది

కుటుంబం

ఈ సంవత్సరం కుటుంబ జీవితం అనుకూలంగా ఉంటుంది గురు గోచారం మీ జీవిత భాగస్వామికి అనుకూలమైన ఫలితాలను ఇస్తుంది దీని కారణంగా మీ జీవిత భాగస్వామి ఉద్యోగులకు ఆదాయంలో కానీ మంచి అభివృద్ధిని పొందుతారు. గురు దృష్టి కుటుంబ స్థానం మీద ఉండటం వలన కుటుంబ వృద్ధి జరుగుతుంది అలాగే మీ కుటుంబ సభ్యుల మధ్య ప్రేమాభిమానాలు పెంచుతుంది ద్వితీయార్థంలో మీకు అనుకూల ఫలితాన్ని ఇవ్వటమే కాకుండా మీ తండ్రి గారికి ఆరోగ్యాన్ని అలాగే కే బంధుమిత్రుల సహాయ సహకారాలను అందిస్తుంది తొమ్మిదవ ఇంట కేతు గోచారం కారణంగా ప్రథమార్థంలో మీ తండ్రిగారి ఆరోగ్య విషయంలో కొంత ఆందోళనకు లోనవుతుతారు. అయితే నవంబర్ తర్వాత గురు అనుకూలంగా రావడం వలన మీ తండ్రిగారి ఆరోగ్యం మెరుగు పడుతుంది అలాగే మీ ఇంట్లో ఆనందకరమైన వాతావరణం ఏర్పడుతుంది ఈ సంవత్సరం నవంబర్ లో గురువు తొమ్మిదింటికి మారటం కేతువుతో కలిసి ఉండటం వలన మీరు మీ కుటుంబ సభ్యులతో కలిసి ఇ ఆధ్యాత్మిక క్షేత్ర దర్శనం చేస్తారు అలాగే గొప్ప వారిని కలుసుకుంటారు వారి ఆశీర్వచనం తీసుకుంటారు .

ఆరోగ్యం

ఆరోగ్య విషయానికొస్తే ఈ సంవత్సరం గురు గోచారం నవంబర్ వరకు అనుకూలంగా ఉండదు కాబట్టి కొంత జాగ్రత్తగా ఉండటం మంచిది. లివర్ సమస్యలు డయాబెటిక్స్ అలాగే బరువు పెరగడం మొదలైన ఆరోగ్య సమస్యలను ఎదుర్కొనే అవకాశం ఉంటుంది. అయితే నవంబర్ నుంచి గురు అనుకూలంగా గోచరిస్తాడు కాబట్టి ఆరోగ్య సమస్యల నుంచి తొందరగా బయటపడగలుగుతారు. అలాగే ఈ సంవత్సరం అంతా అనుకూలంగా ఉంటుంది కాబట్టి ఏ ఆరోగ్య సమస్యలు వచ్చినా అవి ఎక్కువ సమయం మిమ్మల్ని బాధించవు.

చదువు

ఇక విద్యార్థుల విషయానికి వస్తే ఈ సంవత్సరము అనుకూలంగా ఉంటుంది. గురువు దృష్టి విద్యా స్థానమైన నాలుగవ ఇంటిపై రెండవ ఇంటిపై ఉండటం వలన చదువు విజయవంతంగా పూర్తి చేయగలుగుతారు కానీ గురువు స్థానంలో ఉండటం వలన చదువు మీద ఆసక్తి తగ్గడం అలాగే ఏకాగ్రత తగ్గటం జరగవచ్చు కాబట్టి నిర్లక్ష్యం వహించకుండా చదువు మీద దృష్టి పెట్టడం మంచిది. రాహువు అనుకూలంగా ఉండటం వలన కొన్ని అడ్డంకులు ఎదుర్కొన్నప్పటికీ ఉత్సాహం తప్పక తగ్గకుండా పనులు పూర్తిచేసుకోగలుగుతారు అలాగే పోటీ తత్వం కూడా పెరుగుతుంది నవంబర్ నుంచి గురు భాగ్య స్థానంలో అనుకూలంగా సంచరించడం వలన పరీక్షల్లో మంచి విజయాలను సాధిస్తారు అలాగే విదేశాల్లో చదువుకోవడానికి ప్రయత్నిస్తున్నవారు అక్కడికి వెళ్లడానికి మంచి అవకాశాలు పొందుతారు. అయితే జనవరి వరకు శని గోచారం అనుకూలంగా ఉండదు కాబట్టి విదేశీ యానం విషయంలో కొంత జాగ్రత్త అవసరం.

పరిహారాలు

ఈ సంవత్సరం చేయాల్సిన పరిహారాలు విషయానికొస్తే ఈ సంవత్సరం ముఖ్యంగా గురువు గోచారం నవంబర్ వరకు అనుకూలంగా ఉండదు కాబట్టి ఇ గురువుకు పరిహారాలు చేసుకోవడం మంచిది ఈ గురు గోచారం కారణంగా ఖర్చులు పెరగడం ఆరోగ్య సమస్యలు రావడం తదితర ఫలితాలు ఏర్పడే అవకాశం ఉంటుంది కాబట్టి ప్రతిరోజు గురు మంత్ర జపం చేయడం కానీ గురు స్తోత్ర పారాయణం చేయడం కానీ చేస్తే అనుకూల ఫలితాలను పొందుతారు. విద్యార్థులు చదువు విషయంలో కానీ లేదా ఉన్నత విద్య అవకాశాలు కానీ అడ్డంకులు ఎదుర్కుంటే శనికి మరియు కేతువుకు పూజ చేయించడం జపం చేయించండి లేదా ఆంజనేయ స్వామికి మరియు గణపతికి పూజ చేయడం కానీ చేయాలి ఇలా చేయటం వలన వారికి అడ్డంకులు తొలగిపోయి విజయం సాధిస్తారు

మీన రాశిఫలములు

విలంబి(విలంబ)నామ సంవత్సర రాశిఫలములు

గమనిక: ఇక్కడ ఇవ్వబడిన రాశి ఫలములు కేవలం చంద్ర రాశి ఆధారంగా చెప్పబడినవి. ఇవి కేవలం ఒక అవగాహన కొరకే తప్ప ఇందులో చెప్పినవి చెప్పినట్టు జరుగుతాయని భావించరాదు.

పూర్వాభాద్ర 4వ పాదం (ది)
ఉత్తరాభాద్ర 4 పాదాలు (దు, శం, ఝ, థ)
రేవతి 4 పాదాలు (దే, దో, చ, చి)

ఈ సంవత్సరం మీన రాశి వారికి గురువు అక్టోబర్ వరకు అష్టమ స్థానంలో, తుల రాశిలో సంచరిస్తాడు. ఆ తర్వాత వృశ్చిక రాశిలో, భాగ్యస్థానంలో సంచరిస్తాడు. శని సంవత్సరమంతా పదవ ఇంట ధనూ రాశిలో సంచరిస్తాడు. రాహువు కర్కాటక రాశిలో పంచమ భావంలో, కేతువు మకర రాశిలో లాభ స్థానంలో సంచరిస్తాడు.

ఈ సంవత్సరం ఎలా ఉండబోతోంది

ఈ సంవత్సరం ప్రథమార్థం కొంత సామాన్యంగా ఉన్నప్పటికీ అక్టోబర్ నుంచి మాత్రం మీకు చాల అనుకూలంగా ఉంటుంది. ప్రథమార్థంలో ఆర్థిక సమస్యలు, ఆరోగ్యం మిమ్మల్ని ఇబ్బంది పెట్టవచ్చు. ద్వితీయార్థంలో సమస్యలు తొలగిపోయి ఆనందకరమైన జీవితాన్ని అనుభవిస్తారు. నూతన గృహ, వాహనాదులు కొనుగోలు చేస్తారు. గత సంవత్సర కాలంగా మిమ్మల్ని ఇబ్బంది పెడుతున్న సమస్యలు తొలగి పోతాయి

ఆరోగ్యం

ఈ సంవత్సరం అక్టోబర్ వరకు ఆరోగ్య విషయంలో కొంత సామాన్యంగా ఉంటుంది. తరచూ ఏదో ఒక అనారోగ్యం మిమ్మల్ని బాధిస్తూనే ఉంటుంది. కాలేయం, మూత్రపిండాలు, జననేన్ద్రియలకు సంబంధించిన ఆరోగ్య సమస్యలు మిమ్మల్ని ఎక్కువగా బాధించే అవకాశమున్నది. అయితే మిగతా గ్రహస్థితి అనుకూలంగా ఉండటం వలన సమస్యలు వచ్చినా అవి ఎక్కువ కాలం మిమ్మల్ని ఇబ్బంది పెట్టవు. అక్టోబ నుంచి గురు గోచారం కూడా అనుకూలంగా మారటంతో ఆరోగ్య సమస్యలు పూర్తిగా తగ్గుముఖం పడతాయి. మిగతా సంవత్సరమంతా ఆరోగ్య విషయంలో పెద్దగ ఇబ్బంది పడాల్సిన అవసరం ఉండదు,

ఉద్యోగం, వ్యాపారం, ఆర్థిక స్థితి

ఉద్యోగస్థులకు ఈ సంవత్సరం బాగా కలిసి వస్తుంది. పదవ ఇంట శని గోచారం ఉద్యోగంలో మంచి మార్పులను, గుర్తింపును ఇస్తుంది. అయితే అక్టోబర్ వరకు గురువు గోచారం అనుకూలంగా ఉండక పోవటం వలన ఉద్యోగంలో కొంత ప్రతికూల వాతావరణం ఉంటుంది. అకస్మాత్తుగా ఉద్యోగం మారాల్సి రావటం కానీ, అవమానాలు ఎదుర్కోవాల్సి రావటం కానీ జరుగుతుంది. మీ సహోద్యోగులు కానీ, మీ పై అధికారులు కానీ మిమ్మల్ని తమ మాటలతో లేదా ప్రవర్తనలో ఇబ్బంది పెట్టె అవకాశమున్నది. మీ ప్రతిభకు తగిన గుర్తింపు లభించక ఈ సంవత్సరం ప్రథమార్థంలో కొంత ఇబ్బందిని ఎదుర్కుంటారు. అక్టోబర్ లో గురువు మారాక మీది పై చేయి అవుతుంది. మీ మాటకు విలువ పెరుగుతుంది. మీ అవసరాన్ని, ప్రతిభను మీ పై అధికారులు గుర్తిస్తారు. ఉద్యోగంలో మంచి ప్రగతి సాధిస్తారు. ఉద్యోగంలో మార్పు కానీ, పదోన్నతి కానీ ఎదురు చూస్తున్నవారు ద్వితీయార్థంలో అనుకూల ఫలితాన్ని పొందుతారు. శని గోచారం పదవ ఇంట ఉండటం వలన వృత్తిలో మీ ప్రతిభను చూపించుకునే అవకాశాలు చాల వస్తాయి. అవి భవిష్యత్తులో మీ అభివృద్ధికి తోడ్పడేలా ఉంటాయి.

వ్యాపారస్తులకు ఈ సంవత్సరం ప్రథమార్థం సామాన్యంగా ఉంటుంది. ద్వితీయార్థం మాత్రం చాల అనుకూలంగా ఉంటుంది. ప్రథమార్థంలో పెట్టిన పెట్టుబడులకు సరైన లాభాలు రాక కొంత ఇబ్బందికి గురవుతారు. మీరు నమ్మిన వ్యక్తులే మీకు చెడు చేయాలనీ చూడటం కానీ, మిమ్మల్ని అవమానించాలని కానీ చూస్తారు. అలాగే నమ్మి ఇచ్చిన డబ్బులు మోసపోయే అవకాశముంటుంది కాబట్టి డబ్బు విషయంలో కొంత జాగ్రత్త అవసరం. పెట్టుబడులు కానీ, కొత్త వ్యాపారం ప్రారంభం చేయటం కానీ అక్టోబర్ వరకు అంతగా అనుకూలించదు. అక్టోబర్ తర్వాత నుంచి పరిస్థితులు అనుకూలంగా మారతాయి. వ్యాపారంలో అభివృద్ధి ప్రారంభం అవుతాయి. రావు అనుకున్న డబ్బులు తిరిగి వస్తాయి.

ఆర్థికంగా ఈ సంవత్సరం ప్రథమార్థం కొంత సామాన్యంగా ఉంటుంది. అనుకున్న దానికంటే ఎక్కువ ఖర్చు చేయాల్సి రావటం, ఆరోగ్య సమస్యలకు, కుటుంబం కొరకు ఎక్కువ డబ్బు ఖర్చు చేయాల్సి రావటం వలన ఆర్థికంగా కొంత ఇబ్బందికి గురయ్యే అవకాశముంటుంది. ముందు వెనక చూడక ఖర్చు చేయటం తగ్గించటం మంచిది. అక్టోబర్ నుంచి గురు గోచారం అనుకూలంగా ఉంటుంది కాబట్టి ఆర్థిక సమస్యలు తగ్గుముఖం పడతాయి. పెట్టిన పెట్టుబడులకు మంచి ఫలితం వస్తుంది. నూతన గృహ యోగం కానీ, వాహన యోగం కానీ అక్టోబర్ తర్వాత ఉంటుంది.

కుటుంబం

ఈ సంవత్సరం కుటుంబ జీవితం ప్రథమార్థం కొంత సామాన్యంగా ద్వితీయార్థంలో అనుకూలంగా ఉంటుంది. ప్రథమార్థంలో మీ జీవిత భాగస్వామికి కానీ, మీ కుటుంబ సభ్యులకు కానీ ఆరోగ్య సమస్యలు వచ్చే అవకాశమున్నది. దాని కారణంగా కొంత ఆందోళనకు గురవుతారు. అయితే సమస్యలు వచ్చినప్పటికీ వాటి వలన మీ కుటుంబ సభ్యుల మధ్య ప్రేమాభిమానాలు, నమ్మకం పెరుగుతాయి . మీ తల్లిదండ్రుల నుంచి మీకు సాయం అందుతుంది, అలాగే వారికి గర్వం కలిగించే పనులు ద్వితీయార్థంలో మీరు చేస్తారు. ఇంట్లో వివాహం, కానీ ఇతర శుభకార్యాలు కానీ జరిగే అవకాశమున్నది. ముఖ్యంగా అక్టోబర్ నుంచి మీ జీవితంలో చాల సమస్యలు తొలగి పోయే కుటుంబ సభ్యులతో ఆనందంగా గడుపుతారు.

చదువు

విద్యార్థులకు ఈ సంవత్సరం ప్రథమార్థం కొంత సామాన్యంగా ద్వితీయార్థం అనుకూలంగా ఉంటుంది. ప్రథమార్థంలో చదివిన చదువుకు తగిన ఫలితం రాకపోవటంతో కొంత నిరాశకు, నిరుత్సాహానికి గురవుతారు. చదువు మీద ఆసక్తి తగ్గటం కానీ, ఇతర విషయాల మీద ఆసక్తి పెరగటం కానీ జరుగుతుంది. అక్టోబర్ నుంచి పరిస్థితులు అనుకూలంగా మారతాయి. చదువు మీద శ్రద్ధ, ఏకాగ్రత పెరగటమే కాకుండా చదువు విషయంలో ఉన్న ఆటంకాలు తొలగి పోతాయి. విదేశాల్లో విద్యాభ్యాసం చేయాలనుకునే వారికీ ఈ సంవత్సరం ద్వితీయార్థంలో అనుకూలమైన ఫలితం వస్తుంది.

పరిహారాలు

ఈ సంవత్సరం ప్రధానంగా గురువుకు, రాహువుకు పరిహారాలు చేయటం మంచిది. అక్టోబర్ వరకు గురువు అనుకూలంగా ఉండదు కాబట్టి గురు స్తోత్ర పారాయణం కానీ, గురు మంత్రం జపం చేయటం కానీ మంచిది. అలాగే పంచమంలో రాహువు విద్యలో ఆటంకాలు కల్పిస్తాడు కాబట్టి రాహు పూజ కానీ జపం కానీ చేయటం మంచిది. లేదా ప్రతి రోజు దుర్గ స్తోత్ర పారాయణం చేయటం మంచిది.

కుంభ రాశిఫలములు

విలంబి(విలంబ)నామ సంవత్సర రాశిఫలములు

గమనిక: ఇక్కడ ఇవ్వబడిన రాశి ఫలములు కేవలం చంద్ర రాశి ఆధారంగా చెప్పబడినవి. ఇవి కేవలం ఒక అవగాహన కొరకే తప్ప ఇందులో చెప్పినవి చెప్పినట్టు జరుగుతాయని భావించరాదు.

ధనిష్టా 3, 4 పాదాలు (గు, గె)
శతభిషం 4 పాదాలు (గొ, స, సి, సు)
పూర్వాభాద్ర 1, 2, 3 పాదాలు (సె, సో, ద)

ఈ సంవత్సరం కుంభ రాశి వారికి అక్టోబర్ వరకు గురువు తొమ్మిదవ ఇంట ఉంటాడు. ఆ తర్వాత పడవ ఇంట సంచరిస్తాడు. శని సంవత్సరమంతా లాభ స్థానంలో, ధనూ రాశిలో సంచరిస్తాడు. రాహువు కర్కాటక రాశిలో, ఆరవ ఇంట, కేతువు మకర రాశిలో పన్నెండవ ఇంట వత్సరాంతం సంచరిస్తారు.

ఈ సంవత్సరం ఎలా ఉండబోతోంది

ఈ విలంబ (విలంబి) నామ సంవత్సరం మీకు చాల అనుకూలంగా, శుభప్రదంగా ఉంటుంది. ఉద్యోగంలో ఉన్నతి, ఆర్థిక స్థితి మెరుగుపడటం, సమస్యలు తొలగి పోవటం మొదలైన శుభఫలితాలు ఉంటాయి. అయితే పన్నెండవ ఇంట కేతు గోచారం కారణంగా ప్రతి దానికి భయపడటం, ఏ పని చేయాలన్న ఎక్కడ విఫలం అవుతుందన్న భయంతో అసలు ప్రారంభించకుండా ఉండటం వలన కొన్ని సార్లు అవకాశాలు వచ్చినప్పటికీ చేజార్చుకుంటారు. ప్రధాన గ్రహాలన్నీ అనుకూలంగా ఉండటం వలన ఈ సంవత్సరం మీకు అన్ని విషయాల్లో కలిసి వస్తుంది.

ఆరోగ్యం

ఈ సంవత్సరం గురువు, రాహువు మరియు శని అనుకూల గోచారం ఉండటం వలన ఆరోగ్య సమస్యలు పెద్దగా మిమ్మల్ని బాధించవు. శారీరకంగా ఆరోగ్యంతో ఉంటారు. గతంలో ఉన్న ఆరోగ్య సమస్యలు కూడా తగ్గుముఖం పడతాయి. అయితే కేతు గోచారం పన్నెండవ ఇంట ఉండటం వలన మానసికంగా కొంత ఆందోళనకు గురవుతుంటారు. అలాగే నిద్రలేమితో బాధ పడతారు. లేని సమస్యలను ఊహించుకొని బాధపడటం, మీ మీద మీకు నమ్మకం సన్నగిల్లటం జరుగుతుంది. అయితే మిగతా గ్రహాల అనుకూల ప్రభావం ఉండటం వలన ఈ సమస్యలు పెద్దగా బాధించవు.

ఉద్యోగం, వ్యాపారం, ఆర్థిక స్థితి

ఈ సంవత్సరం ఉద్యోగస్థులకు చాల అనుకూలంగా ఉంటుంది. కారక గ్రహమైన శని లాభ స్థానంలో సంచరించటం, గురు రాహువుల అనుకూల గోచారం కారణంగా ఉద్యోగంలో ఉన్నత శిఖరాలకు చేరుకుంటారు. మీ ప్రతిభకు తగిన గుర్తింపు లభిస్తుంది. చేపట్టిన పనులను విజయవంతంగా పూర్తి చేస్తారు. మీ పై అధికారుల నుంచి ప్రశంసలు అందుకుంటారు. పదోన్నతి లేదా స్థాన చలనం కోరుకుంటున్న వారికి అక్టోబర్ నుంచి అనుకూల ఫలితాలు ఉంటాయి. మీరు కోరుకున్న పదవి దక్కటం కానీ, కోరుకున్న చోటికి బదిలీ అవటం కానీ జరుగుతుంది. అయితే ఆరవ ఇంట రాహువు కొంత అహంకారాన్ని, నిర్లక్ష్యాన్ని ఇస్తాడు. దాని కారణంగా మీ సహోద్యోగులతో అభిప్రాయ భేదాలు రావటం కానీ, అనవసరమైన సమస్యలు రావటం కానీ జరగవచ్చు. అలాగే ప్రతి దానికి గొప్పలు చెప్పుకునే స్వభావం కూడా అలవడే అవకాశమున్నది. మీ ప్రవర్తన పట్ల కొంత జాగ్రత్తగా ఉండటం మంచిది. దాని కారణంగా వత్సరాంతంలో చెడు పేరు వచ్చే అవకాశముంటుంది.

వ్యాపారస్తులకు ఈ సంవత్సరం చాల అనుకూలంగా ఉంటుంది. వ్యాపారంలో మంచి అభివృద్ధి సాధిస్తారు. ప్రజల నమ్మకాన్ని చూరగొంటారు. దాని కారణంగా మీ వ్యాపారం మంచి అభివృద్ధిలోకి వస్తుంది. మీరు గతంలో పెట్టిన పెట్టుబడులకు ఈ సంవత్సరం మంచి లాభాలను ఇస్తుంది. కొత్తగా వ్యాపారం ప్రారంభం చేయాలనుకునే వారికీ ఈ సంవత్సరం అనుకూలంగా ఉంటుంది. ముఖ్యంగా అక్టోబర్ వరకు గురువు అనుకూలంగా ఉంటాడు కాబట్టి ఈ సమయంలో పెట్టుబడులు పెట్టడం, నూతన వ్యాపారం ప్రారంభించటం, కొత్త ఒప్పందాలు చేసుకోవటం మంచిది.

ఆర్థికంగా ఈ సంవత్సరం చాల అనుకూలంగా ఉంటుంది. పెట్టిన పెట్టుబడులకు రెట్టింపు లాభాలు రావటం, ఖర్చులు తగ్గటం వలన డబ్బు నిలకడ పెరుగుతుంది. ఇల్లు లేదా వాహనం కొనుగోలు చేయాలనుకుంటున్న వారికి ఈ సంవత్సరం అనుకూలంగా ఉంటుంది. అయితే వ్యయ స్థానంలో కేతు గోచారం కారణంగా మీ తొందరపాటు వలన కొంత డబ్బు నష్టపోయే అవకాశం కనిపిస్తున్నది. ఖర్చుల విషయంలో, కొనుగోళ్ల విషయంలో కొంత జాగ్రత్తగా ఉండటం అవసరం.

కుటుంబం

ఈ సంవత్సరం మీ కుటుంబ జీవితం చాల అనుకూలంగా ఉంటుంది. కుటుంబ సభ్యుల మధ్య ప్రేమాభిమానాలు, నమ్మకం పెరగటం అలాగే ఇంట్లో శుభ కార్యాలు జరగటం వలన కుటుంబ సభ్యుల మధ్యన ఉన్న మనస్పర్థలు కానీ, సమస్యలు కానీ తొలగి పోతాయి. వివాహం లేదా సంతానం గురించి ఎదురు చూస్తున్న వారికీ ఈ సంవత్సరం అనుకూలంగా ఉంటుంది. మీ తోబుట్టువుల సహాయ సహకారాలు మీకు ఉంటాయి. వారి కారణంగా మీ వ్యక్తిగత జీవితంలో కొన్ని అనుకూల పరిణామాలు ఏర్పడతాయి. మీ జీవిత భాగస్వామితో కలిసి విదేశీయానం చేయటం కానీ, వినోద యాత్రలు చేయటం కానీ చేస్తారు. వ్యయ స్థానంలో కేతు గోచారం కారణంగా మీ కుటుంబ సభ్యుల గురించి ఎప్పుడు ఏదో ఒక చింత మిమ్మల్ని వెంటాడుతూనే ఉంటుంది. అనవసర భయాలను వీడనాడి మీ కుటుంబ సభ్యులతో ఈ సంవత్సరాన్ని హాయిగా గడపండి.

చదువు

ఈ సంవత్సరం విద్యార్థులకు అత్యంత అనుకూలంగా ఉంటుంది. చదువులో బాగా రాణించటమే కాకుండా ప్రశంసలు, అవార్డులు కూడా అందుకుంటారు. పన్నెండవ ఇంటిలో కేతు సంచారం కారణంగా కొంత భయం, సంకోచం కలిగి ఉంటారు. దీని కారణంగా కొత్త విషయాలు నేర్చుకోవటం కొంత నిరాసక్తత భయం కలిగి ఉంటారు. తల్లిదండ్రులు వారి భయాన్ని పోగొట్టి సరైన మార్గదర్శనం చేయాల్సి ఉంటుంది.

పరిహారాలు

ఈ సంవత్సరం ప్రధానంగా కేతువుకు పరిహారాలు చేయటం మంచిది. కేతు మంత్రం జపం కానీ, స్తోత్ర పారాయణం కాని చేయటం లేదా గణపతి పూజ స్తోత్ర పారాయణం చేయటం వలన ఆటంకాలు తొలగిపోతాయి